Abiprayam > Detailed View
ഒരു വടക്കന്‍ സെല്‍ഫി യുവത്വം നിറഞ്ഞ സിനിമയാണ് ... ! തിയറ്ററില്‍ നിറച്ചും ചെറുപ്പക്കാര്‍ , കോളേജ് വിദ്യാര്‍ഥികള്‍ .. ഇത് ഒരു വടക്കന്‍ സെല്‍ഫിയാണ് .. വിമര്‍ശിക്കേണ്ടവര്‍ക്ക് അതിനുള്ള ഒരുപാട് വകുപ്പുകള്‍ ഉണ്ട് .. അഭിനയത്തില്‍ പോരായ്മകള്‍ ഉണ്ട് ... സോഷ്യല്‍ മീഡിയയുടെ അതി പ്രസരം ഉണ്ട് ... !! പക്ഷെ , എന്തോ എഞ്ചിനീയറിംഗ് കോളേജ് വിദ്യാര്‍ഥികളുടെ ജീവിതം അതേപടി പകര്‍ത്തി അവതരിപ്പിക്കുന്നതിലൂടെ ഒരു വടക്കന്‍ സെല്‍ഫിയുടെ ശില്‍പികള്‍ ആ ഒരു ജനസമൂഹത്തെ മൊത്തത്തില്‍ സ്വന്തമാക്കിയിരിക്കുന്നു .. ചെറുപ്പക്കാര്‍ക്ക് ഈ സിനിമ പ്രിയപ്പെട്ട ഒന്നാക്കുന്നതില്‍ അവര്‍ വിജയിച്ചിരിക്കുന്നു .. സിനിമ ഒരു കലാരൂപവും , അതേസമയം ഒരു ബിസിനസ്സുമാണ് എന്ന യാഥാര്‍ഥ്യം തിരിച്ചറിഞ്ഞു കൊണ്ട് നമ്മുടെ മുന്‍പിലെത്തിയ പ്രജിത്ത് - നിവിന്‍- വിനീത് - അജു ടീമിന്‍റെ ഒരു വടക്കന്‍ സെല്‍ഫി തീര്‍ച്ചയായും ഒരു ഉത്സവകാല സിനിമയുടെ ചേരുവകള്‍ യുവാക്കള്‍ക്ക് പ്രിയങ്കരമായ രീതിയില്‍ തന്നെ പാകപ്പെടുത്തിയ രസകരമായ സിനിമയാണ് ... മനസ്സില്‍ യുവത്വം കാത്തുസൂക്ഷിക്കുന്ന എല്ലാവര്‍ക്കും ഈ സിനിമ ഇഷ്ടമാകും .. ഈ സിനിമയിലൂടെ ചെറുപ്പക്കാര്‍ക്ക് നല്ല ഒരു സന്ദേശം നല്‍കുവാനും സാധിച്ചിരിക്കുന്നു . ഇത് ശരിക്കും ഒരു സെല്‍ഫിയാണ് ... ഈ സെല്‍ഫിയില്‍ നമുക്ക് പരിചയമുള്ളവരെ കാണാന്‍ സാധിക്കും .. നമ്മുടെ കൂട്ടുകാരെ നമുക്ക് കാണാം , ഒരു പക്ഷെ നമ്മളെ തന്നെ നമുക്ക് കാണാം .. ! കാരണം ഇത് ഒരു വടക്കന്‍ സെല്‍ഫിയാണ് ..നമ്മുടെ സിനിമയാണ് ... കൌമാരം പടിയിറങ്ങിയ നാള് തൊട്ട് കാണാന്‍ കൊള്ളാവുന്ന പെണ്‍കുട്ടികളെ മുഴുവന്‍ പ്രേമിക്കാന്‍ ആഗ്രഹിക്കുന്ന , ഒരു ഷോര്‍ട്ട് ഫിലിം എങ്കിലും ചെയ്യണം എന്ന് സ്വപ്നം കാണുന്ന , വീട്ടുകാരേക്കാള്‍ കൂട്ടുകാരുടെ വാക്കിന് വില നല്‍കുന്ന .. നമ്മുടെ ചിന്തകള്‍ക്ക് ഒടുക്കത്തെ റേഞ്ച് ആണെന്ന് പ്രിയപ്പെട്ട കൂട്ടുകാര്‍ ചുമ്മാ പറയുന്നത് പോലും കേട്ട് അഭിമാനിക്കുന്ന , വിശ്വസിക്കുന്ന ഇന്നിന്‍റെ കഥ ...ഒരു വടക്കന്‍ സെല്‍ഫി ! - www.abiprayam.com
Comments: 5  

Fatal error: Uncaught Exception: 190: Error validating access token: Session has expired on Wednesday, 03-Feb-16 18:44:22 PST. The current time is Monday, 11-Dec-17 18:53:04 PST. (463) thrown in /homepages/17/d186966487/htdocs/abiprayam/base_facebook.php on line 660