Abiprayam > Detailed View
"എന്നും എപ്പോഴും " ... ഇതാണ് സിനിമ ! കുടുംബ പ്രേക്ഷകര്‍ക്ക് എന്നും എപ്പോഴും സത്യന്‍ അന്തിക്കാട്‌ സിനിമകളോട് ഒരു അടുപ്പമുണ്ട് .. ഒരു വിശ്വാസവും .. ആ സ്നേഹം മോഹന്‍ ലാലിനും മഞ്ചു വാര്യര്‍ക്കും നല്‍കുന്നുതിലും അവര്‍ പിശുക്ക് കാണിക്കാറില്ല ..... ഇവര്‍ മൂന്നു പേരും തമ്മില്‍ ചേരുമ്പോള്‍ ഒരു അത്ഭുതം സംഭവിക്കും എന്ന ഒരു ശരാശരി മലയാളിയുടെ പ്രതീക്ഷക്ക് ഒരു പോറല്‍ പോലും സംഭവിക്കാതെ , ആ മനോഹരമായ ചലച്ചിത്രം ഇറങ്ങി ... ആദ്യ ദിവസം ആദ്യ ഷോ തന്നെ കണ്ടു ... തൃപ്തിയായി ... മുന്‍ അന്തിക്കാട് സിനിമകളില്‍ നിന്നുള്ള വ്യത്യാസം എന്തെന്ന് ചോദിച്ചാല്‍ ... ഇത് അല്പം കൂടി ക്ലാസ്സ്‌ ആയി എന്ന് തന്നെ പറയാം ... സമയത്തിന്‍റെ പ്രാധാന്യം പറഞ്ഞു കൊണ്ട് തുടങ്ങുന്ന ഈ സിനിമയില്‍ തീരെ അലസനും ചന്ദനക്കുറിക്കാരനുമായ ജേര്‍ണലിസ്റ്റ് വിനീത് എന്‍ പിള്ള അഡ്വ. ദീപയെ വനിതാ രത്നം എന്ന മാഗസിനിലേക്ക് ഇന്റര്‍വ്യൂ ചെയ്യുവാന്‍ നടത്തുന്ന രസകരമായ ശ്രമങ്ങളാണ് എന്നും ഇപ്പോഴും എന്ന സിനിമയുടെ കഥക്ക് ആധാരം ... ഭാര്യയെ ജീവന് തുല്യം സ്നേഹിക്കുന്ന ഇന്നസെന്റ്‌ അവവതരിപ്പിക്കുന്ന അയല്‍ക്കാരന്‍ , ലെന അവതരിപ്പിക്കുന്ന ദീപയുടെ സുഹൃത്ത് എന്ന് വേണ്ട ഈ സിനിമയിലെ മുഴുവന്‍ കഥാപാത്രങ്ങളും ഒരു സാധാരണക്കാരന്‍റെ ജീവിതത്തില്‍ വളരെ പരിചിതമായ വ്യക്തിത്വങ്ങളാണ് . ജോലിയുടെ സമ്മര്‍ദങ്ങള്‍ക്കൊപ്പം നൃത്ത രംഗത്ത് സജീവമായി തന്നെ നില്‍ക്കാന്‍ ആഗ്രഹിക്കുന്ന ശക്തമായ ഒരു സ്ത്രീ കഥാപാത്രത്തിനു ജന്മം നല്‍കാന്‍ മഞ്ചു വാര്യര്‍ക്ക് എന്നും എപ്പോഴും എന്ന സിനിമയിലൂടെ സാധിച്ചിരിക്കുന്നു . മദ്യപിച്ചു കൊണ്ടുള്ള മോഹന്‍ ലാലിന്‍റെ മാസ്മരിക പെര്‍ഫോര്‍മന്‍സ് , ബാല്യ കാല പ്രണയത്തിന്‍റെ മാധുര്യം വാക്കുകളിലൂടെയെങ്കിലും അവതരിപ്പിച്ച സത്യന്‍ അന്തിക്കാട് ഫോര്‍മുല ... പിന്നെ ക്ലൈമാക്സില്‍ പത്മരാജനെ അനുസ്മരിപ്പിച്ച ആ മനോഹരമായ മഴ ഷോട്ട് .. അവസാനിപ്പിക്കാതെ അവസാനിപ്പിക്കുന്ന ക്ലാസ്സിക് ക്ലൈമാക്സ്‌ .. ! അഭിപ്രായം ഡോട്ട് കോമിനു എന്നും എപ്പോഴും എന്ന സിനിമയെ കുറിച്ച് പറയാന്‍ ഒരേ ഒരു വാക്ക് ... ഗംഭീരം !! - www.abiprayam.com
Comments: 30  

Fatal error: Uncaught Exception: 190: Error validating access token: Session has expired on Wednesday, 03-Feb-16 18:44:22 PST. The current time is Thursday, 23-Nov-17 17:39:36 PST. (463) thrown in /homepages/17/d186966487/htdocs/abiprayam/base_facebook.php on line 660