Abiprayam > Detailed View
കാലം തെറ്റി അവതരിച്ച ഒരു അവതാരം ! 'ജനപ്രിയ നായകന്‍ ഇന്‍ ആന്‍ഡ്‌ ആസ്...' എന്ന പതിവ് ഫോര്‍മാറ്റില്‍ നിന്നും വ്യത്യസ്തമായ ഒരു സിനിമ എന്നത് തന്നെയായിരുന്നു 'അവതാരം' എന്ന ജോഷി പടത്തിനെ കുറിച്ചുള്ള പ്രതീക്ഷക്ക് പ്രധാന കാരണമായത്‌ . ജനപ്രിയ നായകന്‍ റൂട്ട് മാറ്റിയെങ്കിലും ... ജോഷി പഴയ ജോഷി തന്നെ ! ഇത് കുറച്ചു നാള് മുന്‍പ് ഇറങ്ങേണ്ട ഒരു സിനിമയാണ് .ഏറ്റവും കുറഞ്ഞത്‌ ഒരു നാലഞ്ചു വര്‍ഷം മുന്‍പ് ....! ഇതുപോലുള്ള സിനിമകള്‍ നാം എത്ര കണ്ടിരിക്കുന്നു എന്ന്‍ തന്നെയായിരുന്നു സിനിമ കാണുമ്പോള്‍ ഒരു ശരാശരി മലയാളി പ്രേക്ഷകന്‍റെ ചിന്ത . പതിവ് വിജയ ചിത്രങ്ങളുടെ ഫോര്‍മുലയില്‍ നിന്നും മാറി സഞ്ചരിക്കാന്‍ ജനപ്രിയ നായകന്‍ കാണിച്ച ആ മനസ്സ് അംഗീകരിക്കുന്നു .ഈ സിനിമയില്‍ ദിലീപ് നന്നായി അഭിനയിക്കുകയും ചെയ്തിരിക്കുന്നു . കലാഭവന്‍ ഷാജോണ്‍ എന്ന നടനെ നന്നായി ഉപയോഗിക്കാന്‍ ഈ സിനിമ മറന്നു . എന്നാല്‍ ഇതിലെ നായിക മികച്ച അഭിനയം കാഴ്ചവച്ചു . ജോയ് മാത്യു എന്ന നടന് ഒരു പുതുമയുള്ള വേഷം നല്‍കാന്‍ ഈ സിനിമയിലും കഴിഞ്ഞില്ല . പിന്നെ , ക്വട്ടേഷന്‍കാരില്ലാത്ത ഒരു സിനിമയെ കുറിച്ച് മലയാളത്തിനു ഇന്ന് ചിന്തിക്കാന്‍ പോലും കഴിയില്ലല്ലോ !! സഹോദരന്‍റെ കൊലപാതകം മുതല്‍ പിന്നീട് തനിക്കേറ്റ ഓരോ മുറിവുകള്‍ക്കും കൃത്യമായി പ്രതികാരം ചെയ്യുന്ന ഒരു നാട്ടിന്‍പുറത്തുകാരനായി ദിലീപ് നന്നായി അഭിനയിച്ചിരിക്കുന്നു എന്നത് മാത്രമാണ് ഈ സിനിമയുടെ ഹൈലൈറ്റ് . കഥയും പാട്ടുകളുമൊക്കെ ശരാശരി നിലവാരം മാത്രം പുലര്‍ത്തി . ചുരുക്കി പറഞ്ഞാല്‍ , കൂടുതല്‍ മെച്ചപ്പെടുത്താമായിരുന്ന ഒരു സിനിമയാണ് 'അവതാരം'. www.abiprayam.com
Comments: 15  

Fatal error: Uncaught Exception: 190: Error validating access token: Session has expired on Wednesday, 03-Feb-16 18:44:22 PST. The current time is Tuesday, 19-Sep-17 17:03:12 PDT. (463) thrown in /homepages/17/d186966487/htdocs/abiprayam/base_facebook.php on line 660