Abiprayam.com - Comments, Suggestions and Reviews on current  affairs
അഭിപ്രായം പറഞ്ഞ്
5 വര്‍ഷങ്ങള്‍

പ്രായം രേഖപ്പെടുത്തണ്ട .....! അഭി 'പ്രായം ' രേഖപ്പെടുത്തുക ....!!

Praveen Mash or Mr. Praveen M Kumar
Hot Topics
Recent Topics
ഇനിയിപ്പോ നമ്മുടെ ലോകകപ്പ് ഫുട്ബോള്‍ ഗ്രൗണ്ടും ലീഗ് വര്‍ഗീയവല്‍ക്കരിച്ചു എന്ന്‍ പറയുമോ ആവോ ...! എന്‍റെ സുഹൃത്തെ , ആ കറുത്ത ബോര്‍ഡും , പച്ച നിറത്തില്‍ വര്‍ഗീയത മാത്രം കാണുന്ന ആ കറുത്ത മനസ്സും മാറ്റേണ്ട സമയമായി എന്ന് തന്നെയാണ് അഭിപ്രായം .. മനസ്സിനും കണ്ണിനും കുളിര്‍മ്മ നല്‍കുന്ന നിറം പച്ച തന്നെയാണെന്ന കാര്യത്തില്‍ ഇവിടെ ആര്‍ക്കെങ്കിലും ഒരു സംശയമുണ്ടോ ..! പണ്ട് കുട്ടികള്‍ പച്ചയും വെള്ളയും യൂണിഫോമിട്ടപ്പോഴും , ചുവന്ന റിബണ്‍ കെട്ടിയപ്പോഴും ആരും ആ നിറങ്ങളില്‍ വര്‍ഗീയതയോ രാഷ്ട്രീയമോ ഒന്നും കണ്ടിരുന്നില്ല ... ഒരു ബോര്‍ഡ്‌ പച്ചയാക്കിയെന്നതില്‍ വര്‍ഗീയത മാത്രം കാണുന്നവരുടെ കാര്യമോര്‍ത്ത് കഷ്ടം തോന്നുന്നു ... ..! അല്ലേലും മഞ്ഞപ്പിത്തം ബാധിച്ചവര്‍ക്ക് കാണുന്നത് എല്ലാം മഞ്ഞയായേ തോന്നൂ ...! ഇവിടെ നമുക്ക് ഒരു ജാതിയുടെയും മതത്തിന്‍റെയും നിറമൊന്നുമല്ല ഈ പച്ച.. ! പച്ച പുതച്ച ഈ നാടിന്‍റെ സൗന്ദര്യമാണ് പച്ച ....! അത് നമ്മുടെ കാര്‍ഷികസംസ്കാരത്തിന്‍റെ പ്രതീകമാണ് ... ! ക്ലാസ്സ്‌ മുറികളില്‍ ആ പച്ച നിറത്തില്‍ ഒരു ബോര്‍ഡ്‌ ഉണ്ടായി എന്ന്‍ വച്ച് ഇവിടെ ആകാശമൊന്നും ഇടിഞ്ഞ് വീഴാന്‍ പോകുന്നില്ല .. ഇനി ,അന്ന്‍ നമ്മള്‍ ഒന്നാം ക്ലാസില്‍ ഒന്നാം പാഠത്തില്‍ പഠിച്ച ആ തുളസിത്തറയും , അതിന് താഴെ എഴുതിയ 'തറ' യും കൂടിയൊന്ന് വര്‍ഗീയവല്‍കരിക്കുക ... ! അല്ലേലും , സാംസ്കാരിക കേരളത്തിന്‍റെ മനസ്സ് വരെ ഇപ്പോള്‍ ' തറ ' യായിരിക്കുകണ്... ! www.abiprayam.com
അന്ന് ആര്‍ എസ് പി ക്കാരനെ അങ്ങനെ പറഞ്ഞു ... ! ഇന്ന് ആര്‍ എസ് പി ക്കാരന്‍ ഇങ്ങനെ പറഞ്ഞു ... !! ഇപ്പൊ .. ഫുട്ബോള്‍ കളിയിലാണെങ്കില്‍ ഒന്നേ ഒന്ന് ..! ടെസ്റ്റ്‌ ക്രിക്കറ്റിലാണെങ്കില്‍ ഡ്രോ ... !! ചീട്ടുകളിയിലാണെങ്കില്‍ ആസും ആസും വെട്ടിപ്പോയി ..!!! ഒരു തമാശക്ക് വേണമെങ്കില്‍ ഇങ്ങനെയൊക്കെ പറയാം പക്ഷെ ... അന്ന് പിണറായി പറഞ്ഞതും ,ഇന്ന് ചന്ദ്രചൂഡന്‍ പറഞ്ഞതും ഒരിക്കലും രാഷ്ട്രീയമാന്യതക്ക് ചേര്‍ന്നതല്ല എന്ന്‍ തന്നെയാണ് അഭിപ്രായം . മുതിര്‍ന്ന നേതാക്കന്മാര്‍ വാക്കുകളില്‍ അല്പംകൂടി സംസ്കാരം കാത്തുസൂക്ഷിക്കണം .. നിങ്ങളെയൊക്കെ കണ്ടാണ്‌ അനുയായികള്‍ പഠിക്കുന്നത് .. നിങ്ങളൊക്കെ പറയുന്നത് കേട്ടാണ് അവരും പറയുന്നത് ...! അത് കൊണ്ട് പ്രിയ നേതാക്കള്‍ ദയവായി ഇത്തരം പ്രയോഗങ്ങള്‍ ഭാവിയിലെങ്കിലും ഒഴിവാക്കണം .. www.abiprayam.com
സര്‍വ്വം തുറന്നു പറയുന്ന സര്‍വേകള്‍ ... ?? ഈ തെരഞ്ഞെടുപ്പില്‍ യു പി എ ക്ക് ഒരു തിരിച്ചടിയുണ്ടാകുമെന്നും നരേന്ദ്ര മോഡിയുടെ നേതൃത്വത്തില്‍ ഒരു സര്‍ക്കാര്‍ അധികാരത്തില്‍ വരുമെന്നും തന്നെയാണ് വിവിധ സര്‍വേകള്‍ക്കൊപ്പം ഭൂരിഭാഗം ജനങ്ങളും കരുതുന്നത് ... എന്നാല്‍ കേരളത്തിലെ തെരഞ്ഞെടുപ്പിനെ കുറിച്ചുള്ള എല്ലാ സര്‍വേകളിളും കോണ്‍ഗ്രസ് നയിക്കുന്ന യു ഡി എഫിന് മുന്‍‌തൂക്കം പ്രവചിക്കുന്നു ... മലയാളികള്‍ വളരെ ആകാംക്ഷാപൂര്‍വ്വം കാത്തിരിക്കുന്ന തെരഞ്ഞെടുപ്പ് ഫലത്തെ കുറിച്ചുള്ള CNN IBN സര്‍വേ യു ഡി എഫിന് 14 വരെ സീറ്റുകള്‍ പ്രവചിക്കുന്നു . ടൈംസ്‌ നൌ അല്പം കൂടി കടന്ന് 18 സീറ്റും , ഹെഡ് ലൈന്‍സ് ടുഡേ 17 വരെ സീറ്റും പ്രവചിക്കുമ്പോള്‍ സീ വോട്ടര്‍ 15 സീറ്റ് യു ഡി എഫിന് ലഭിക്കും എന്ന് തന്നെയാണ് പ്രതീക്ഷിക്കുന്നത് . എ ബി പി സര്‍വേയില്‍ യു ഡി എഫിന് 11 സീറ്റ് ലഭിക്കും എന്ന് പറയുമ്പോള്‍ അവരുടെ പ്രവചനത്തില്‍ ബി ജെ പി ക്ക് ഒരു സീറ്റ് ലഭിക്കും എന്ന് പ്രതീക്ഷിക്കുന്നുണ്ട് ..... ഭാരതത്തില്‍ കോണ്‍ഗ്രസ്സിന് ഇത്രയും വലിയ തിരിച്ചടി പ്രവചിക്കുന്ന ഈ സര്‍വേയില്‍ , കേരളത്തില്‍ യു ഡി എഫിന് ഒരു മുന്‍‌തൂക്കം ഉണ്ടാകുമെന്ന് കേള്‍ക്കുന്നത് കേരളത്തിലെ കോണ്‍ഗ്രസ് പ്രവര്‍ത്തകര്‍ക്ക് ആശ്വാസകരമാണ് ... പക്ഷെ , ശരിക്കുമുള്ള ഫലം വന്നിട്ടില്ലല്ലോ ഇഷ്ടാ ... ! ശരിക്കുമുള്ള പൂരം പതിനാറിന് അല്ലേ ... ഇതൊക്കെ വരും സാമ്പിള്‍ ...! കാണാന്‍ പോകുന്ന പൂരം പറഞ്ഞറിയിക്കണോ .... ? www.abiprayam.com
Hot Topics
Recent Topics
ജയറാം തിരിച്ചെത്തുന്ന മൈലാഞ്ചി മൊഞ്ചുള്ള വീട് ! പറഞ്ഞു പഴകിയ തീം ആണെങ്കിലും മൈലാഞ്ചി മൊഞ്ചുള്ള വീട് കുടുംബ മനസ്സുകള്‍ക്ക് ഇഷ്ടപ്പെടും എന്ന് തന്നെയാണ് അഭിപ്രായം.കോം . ഉദയ്‌ കൃഷ്‌ണന്‍-സിബി.കെ. തോമസിന്‍റെ തിരക്കഥയാണ് ഈ കളര്‍ഫുള്ളായ സിനിമയുടെ നട്ടെല്ല് . അത്യാവശ്യം തമാശയും , നല്ല പാട്ടുകളും ഡാന്‍സുമെല്ലാം ഈ സിനിമയെ വിജയിപ്പിക്കാന്‍ സഹായിക്കുന്ന ഘടകങ്ങളാണ് . ജയറാം ഒട്ടും ഓവര്‍ ആക്കാതെ നായക കഥാപാത്രമായ ആയുര്‍വേദ ഡോക്ടര്‍ക്ക് ജീവന്‍ നല്‍കിയിരിക്കുന്നു . ആസിഫ് അലിയും നന്നായി അഭിനയിച്ചിരിക്കുന്നുവെങ്കിലും അഭിനയപ്രതിഭകളായ സായികുമാറും സിദ്ദിക്കും തങ്ങളുടെ മികവിന്‍റെ ചില സുന്ദര നിമിഷങ്ങള്‍ ഈ സിനിമയിലൂടെ പകരുന്നുണ്ട് . കലാഭവന്‍ ഷാജോണ്‍ തന്‍റെ റോള്‍ ഗംഭീരമാക്കി , ബാബു രാജിന്‍റെ പ്രകടനവും നായികമാരും ശരാശരി നിലവാരം പുലര്‍ത്തി . ദിലീപിന്‍റെ പതിവ് വിജയചിത്രങ്ങളുടെ ഫോര്‍മുലയില്‍ ആണ് ബെന്നി തോമസ്‌ എന്ന സംവിധായകന്‍ മൈലാഞ്ചി മൊഞ്ചുള്ള വീട് ഒരുക്കിയിരിക്കുന്നത് . നായകന്‍ ജയറാം ആണെന്ന ഒരു വ്യത്യാസമേയുള്ളൂ . ഒരു വിനോദ ചിത്രമെന്ന നിലയില്‍ ഒട്ടും ബോറടിക്കാതെ ഈ സിനിമ കാണാന്‍ കഴിഞ്ഞു എന്നത് തന്നെ ഒരു ആശ്വാസം ... കുടുംബ നായകനായ ജയറാമിന്‍റെ ശക്തമായ തിരിച്ചു വരവിന് സഹായകരമാകട്ടെ മൈലാഞ്ചി മൊഞ്ചുള്ള വീട് എന്ന ചലച്ചിതം .... www.abiprayam.com
കാണാന്‍ കൊള്ളാവുന്ന ഒരു വെള്ളിമൂങ്ങ ! ഒരു ശരാശരി മലയാളിയെ തൃപ്തിപ്പെടുത്തുന്ന രീതിയില്‍ ചിത്രീകരിച്ച വെള്ളിമൂങ്ങ എന്ന സിനിമ , മലയാള സിനിമയുടെ മുഖ്യധാരയിലേക്കുള്ള ബിജു മേനോന്‍റെ ഒരു തിരിച്ചു വരവാണ് സൂചിപ്പിക്കുന്നത് എന്നാണ് അഭിപ്രായം.കോം .. ഇതിന് മുന്‍പ് ഇങ്ങനെയുണ്ടായത് കുഞ്ചാക്കോ ബോബന്‍റെ കൂടെയുള്ള ഓര്‍ഡിനറിയിലൂടെയായിരുന്നു .. ആ കൂട്ടുകെട്ടിനെ പരമാവധി ചൂഷണം ചെയ്ത മലയാള സിനിമലോകം , ഇപ്പോള്‍ അതില്‍ നിന്നും ബിജു മേനോന്‍ എന്ന നായകനെ അടര്‍ത്തിയെടുത്തിരിക്കുന്നു . ഒരുപക്ഷെ , ഇന്നലെ വന്നവര്‍ക്ക് പോലും ഫാന്‍സ്‌ അസോസിയേഷനും മറ്റുമുള്ള ഈ കാലത്ത് , അതിന്‍റെ അകമ്പടിയൊന്നുമില്ലാത്ത ഒരു 'ഓര്‍ഡിനറി' നായകനെ മുന്‍നിര്‍ത്തി ഒരു നാട്ടിന്‍പുരത്തിന്‍റെ സിനിമ ചെയ്യാന്‍ ധൈര്യം കാണിച്ച സംവിധായകന്‍ ജിബു ജേക്കബ് അഭിനന്ദനം അര്‍ഹിക്കുന്നു .. മധുരനൊമ്പരക്കാറ്റ്, മേഘമല്‍ഹാര്‍, സത്യഭാമയ്ക്കൊരു പ്രേമലേഖനം, ശിവം തുടങ്ങിയ സിനിമകളില്‍ നായക വേഷങ്ങള്‍ ചെയ്തിട്ടുണ്ട് എങ്കിലും ഒരു വിജയചിത്രത്തിന്‍റെ നായകനാകാന്‍ വെള്ളിമൂങ്ങയിലെ രാഷ്ട്രീയക്കാരനിലൂടെ ബിജു മേനോന് സാധിച്ചിരിക്കുന്നു ...! നായിക, ആസിഫ് അലി , ടിനി ടോം , അജു വര്‍ഗ്ഗീസ് , സിദ്ദിഖ് ,കലാഭവന്‍ ഷാജോണ്‍ , കെ .പി . എ .സി ലളിത , ലെന എന്നിവര്‍ വലിയ അത്ഭുതമൊന്നും കാണിച്ചില്ലെങ്കിലും അവരവരുടെ റോളുകള്‍ ഭംഗിയായി ചെയ്തിരിക്കുന്നു ... ഒരു നാട്ടിന്‍പുറത്തിന്‍റെ രാഷ്ട്രീയം തമാശയോടെ , വൃത്തിയായി പറഞ്ഞ ഒരു സാധാരണ സിനിമ ! വെള്ളിമൂങ്ങ ഒരു വിജയചിത്രമാകാനുള്ള കാരണവും ആ ലാളിത്യം തന്നെയാണ് ..!! www.abiprayam.com
'മിഴിയോരം' പറയാന്‍ ശ്രമിക്കുന്നത് ...! 'മിഴിയോര'ത്തിലെ സംഗീതം പൂര്‍ണ്ണമായും ആസ്വദിച്ച് തന്നെ ആ നല്ല ഷോര്‍ട്ട് ഫിലിം കണ്ടു ... 'മിഴിയോരം' ! ജോണ്‍സന്‍ മാഷിനുള്ള സമര്‍പ്പണമായി നിര്‍മ്മിക്കപ്പെട്ട ഈ ഷോര്‍ട്ട് ഫിലിം , ഒരു സംഗീതശില്‍പം പോലെ മനോഹരമാണ് എന്ന്‍ തന്നെയാണ് അഭിപ്രായം.കോം.. മിഴിയോരത്തിന്‍റെ പിന്നണി പ്രവര്‍ത്തകര്‍ ജോണ്‍സന്‍ മാഷിനോട് നീതി പുലര്‍ത്തിയിരിക്കുന്നു .. എന്നും കേള്‍ക്കാന്‍ കൊതിക്കുന്ന "അനുരാഗിണി , മെല്ലെ മെല്ലെ , ആടി വാ കാറ്റേ ..." ഗാനങ്ങള്‍ കോര്‍ത്തിണക്കിയുള്ള , ഹൃദയത്തെ സ്പര്‍ശിക്കുന്ന ഒരു കവിത പോലെ മനോഹരമായ ഈ ' മിഴിയോരം ' വളരെ തന്മയത്വത്തോടെയാണ് പ്രമോദ് സി മോഹന്‍ അവതരിപ്പിക്കുന്നത് . സുഹൃത്തും തിയറ്റര്‍ ആര്‍ട്ടിസ്റ്റുമായ പ്രിയരാജ് നാടകീയത ഒട്ടും കലരാതെ ഇതിലെ പ്രധാനകഥാപാത്രത്തിന് ജീവന്‍ നല്‍കുന്നു ... സംഗീതത്തെ സ്നേഹിച്ച് നടന്ന്‍ ജീവിതത്തില്‍ എവിടെയും എത്തിച്ചേരാന്‍ കഴിയാതിരുന്ന ഇതിലെ പ്രധാന കഥാപാത്രമായ ആഷിക്കിന്‍റെ പ്രണയം ആത്മാര്‍ത്ഥമാണ്, നിഷ്കളങ്കമാണ് ... പ്രണയിക്കുമ്പോള്‍ അവന്‍ എല്ലാം മറക്കുന്നുമുണ്ട് .. കുസൃതിക്കാരിയായ അവന്‍റെ കൂട്ടുകാരി ഉള്ളില്‍ നിറയെ സ്നേഹം ഒളിപ്പിച്ചു വെച്ച് , വേദന കടിച്ചമര്‍ത്തി അവനെ പിരിഞ്ഞു പോകുകയാണ് .... പ്രണയവും സംഗീതവും മഴ പോലെയല്ല .. അവ രണ്ടും മഴ തന്നെയാണ് എന്ന്‍ പറഞ്ഞവസാനിപ്പിച്ചു കൊണ്ട്, അവര്‍ അവരുടെ സ്വപ്നങ്ങളിലും പരാജയപ്പെടുന്നതായി ഇതില്‍ ചിത്രീകരിക്കുന്നു .. സംഗീതമായാലും പ്രണയമായാലും ഹൃദയത്തോട് ചേര്‍ന്നാണ് അവ നില്‍ക്കുന്നതെങ്കില്‍ എത്ര വേദനയോടെയാണെങ്കില്‍ പോലും പറിച്ചു അകറ്റാമായിരുന്നു .. എന്നാല്‍ ഇവ ഹൃദയത്തില്‍ അലിഞ്ഞു ചേര്‍ന്നാല്‍ പിന്നെ എങ്ങനെയാ ...? പ്രിയ സുഹൃത്തുക്കളായ പ്രിയരാജിനും പ്രമോദ് സി മോഹനും അവരുടെ 'മിഴിയോര' ത്തിനും അഭിനന്ദനങ്ങള്‍ ....! www.abiprayam.com
Hot Topics
Recent Topics
കാലം തെറ്റി അവതരിച്ച ഒരു അവതാരം ! 'ജനപ്രിയ നായകന്‍ ഇന്‍ ആന്‍ഡ്‌ ആസ്...' എന്ന പതിവ് ഫോര്‍മാറ്റില്‍ നിന്നും വ്യത്യസ്തമായ ഒരു സിനിമ എന്നത് തന്നെയായിരുന്നു 'അവതാരം' എന്ന ജോഷി പടത്തിനെ കുറിച്ചുള്ള പ്രതീക്ഷക്ക് പ്രധാന കാരണമായത്‌ . ജനപ്രിയ നായകന്‍ റൂട്ട് മാറ്റിയെങ്കിലും ... ജോഷി പഴയ ജോഷി തന്നെ ! ഇത് കുറച്ചു നാള് മുന്‍പ് ഇറങ്ങേണ്ട ഒരു സിനിമയാണ് .ഏറ്റവും കുറഞ്ഞത്‌ ഒരു നാലഞ്ചു വര്‍ഷം മുന്‍പ് ....! ഇതുപോലുള്ള സിനിമകള്‍ നാം എത്ര കണ്ടിരിക്കുന്നു എന്ന്‍ തന്നെയായിരുന്നു സിനിമ കാണുമ്പോള്‍ ഒരു ശരാശരി മലയാളി പ്രേക്ഷകന്‍റെ ചിന്ത . പതിവ് വിജയ ചിത്രങ്ങളുടെ ഫോര്‍മുലയില്‍ നിന്നും മാറി സഞ്ചരിക്കാന്‍ ജനപ്രിയ നായകന്‍ കാണിച്ച ആ മനസ്സ് അംഗീകരിക്കുന്നു .ഈ സിനിമയില്‍ ദിലീപ് നന്നായി അഭിനയിക്കുകയും ചെയ്തിരിക്കുന്നു . കലാഭവന്‍ ഷാജോണ്‍ എന്ന നടനെ നന്നായി ഉപയോഗിക്കാന്‍ ഈ സിനിമ മറന്നു . എന്നാല്‍ ഇതിലെ നായിക മികച്ച അഭിനയം കാഴ്ചവച്ചു . ജോയ് മാത്യു എന്ന നടന് ഒരു പുതുമയുള്ള വേഷം നല്‍കാന്‍ ഈ സിനിമയിലും കഴിഞ്ഞില്ല . പിന്നെ , ക്വട്ടേഷന്‍കാരില്ലാത്ത ഒരു സിനിമയെ കുറിച്ച് മലയാളത്തിനു ഇന്ന് ചിന്തിക്കാന്‍ പോലും കഴിയില്ലല്ലോ !! സഹോദരന്‍റെ കൊലപാതകം മുതല്‍ പിന്നീട് തനിക്കേറ്റ ഓരോ മുറിവുകള്‍ക്കും കൃത്യമായി പ്രതികാരം ചെയ്യുന്ന ഒരു നാട്ടിന്‍പുറത്തുകാരനായി ദിലീപ് നന്നായി അഭിനയിച്ചിരിക്കുന്നു എന്നത് മാത്രമാണ് ഈ സിനിമയുടെ ഹൈലൈറ്റ് . കഥയും പാട്ടുകളുമൊക്കെ ശരാശരി നിലവാരം മാത്രം പുലര്‍ത്തി . ചുരുക്കി പറഞ്ഞാല്‍ , കൂടുതല്‍ മെച്ചപ്പെടുത്താമായിരുന്ന ഒരു സിനിമയാണ് 'അവതാരം'. www.abiprayam.com
സ്ഥലം ഇരിങ്ങാലക്കുട കൂടല്‍മാണിക്യ ക്ഷേത്രം ...! മിഥുന മാസത്തിന്‍റെ സൗന്ദര്യം മുഴുവനും ആവാഹിച്ചെടുത്ത് സന്ധ്യാ നേരത്ത് ചാറ്റല്‍മഴ പുറത്ത് പെയ്യുന്നു .ക്ഷേത്ര ദര്‍ശനത്തിനു വന്നതല്ല ... എങ്കിലും വന്നതല്ലേ .... ഒന്ന് തൊഴുതിറങ്ങാം എന്ന് തന്നെ കരുതി .. ! നടയില്‍ എത്തിയതെയുള്ളൂ , തൊട്ടുപിറകില്‍ ഹൃദയത്തെ പിടിച്ചു വലിക്കുന്ന മിഴാവിന്‍റെ ശബ്ദം ... കൂത്തമ്പലത്തില്‍ മാത്രം അവതരിപ്പിച്ചു വരാറുള്ള ചാക്യാർകൂത്ത് വല്ല്യമ്പലത്തിൽ അവതരിപ്പിക്കാന്‍ ലഭിച്ച ഭാഗ്യത്തെ കുറിച്ച് കഴിഞ്ഞ ദിവസം പ്രിയ സുഹൃത്ത്‌ രജനീഷ് ചാക്യാർ പറഞ്ഞിരുന്നു ...... അതിനേക്കാളും വലിയ സുകൃതമാണ് കാണികളായ ഞങ്ങള്‍ക്ക് ലഭിച്ചത് .. കഥ രാമായണം . പറയുന്നത് രാമനെനും ലക്ഷ്മണനെയും കുറിച്ച് ... അതും സാക്ഷാല്‍ ശ്രീഭരതന്‍റെ നടയില്‍ വച്ച് .. നടയുടെ വലതു വശത്ത്‌ നിന്ന് ക്ഷേത്രത്തില്‍ അടിയന്തിരക്കാരായ അമ്മന്നൂര്‍ ചാക്യാര്‍ കുടുംബത്തിലെ പുതുതലമുറക്കാരനായ രജനീഷ് ചാക്യാര്‍ കഥ പറയുന്നു ... ഇടത് വശത്ത് ഇരുന്ന്‍ ഒരു കൊച്ചുകുട്ടിയുടെ കൌതുകത്തോടെ ഞങ്ങള്‍ കഥ കേള്‍ക്കുന്നു ... ആ നടയില്‍ ഇരുന്ന്‍ സന്ധ്യാനാമം ചൊല്ലിയ ഒരു കുളിര്‍മ്മയായിരുന്നു മനസ്സിന് ... ! ഒരു കലാരൂപം നല്‍കുന്ന ഇത്തരം ആത്മീയാനുഭൂതി ഇരിങ്ങാലക്കുടയില്‍ നിന്നല്ലാതെ വേറെ എവിടെ നമുക്ക് ലഭിക്കും ... ! www.abiprayam.com
സ്ഥലം ഇരിങ്ങാലക്കുട കൂടല്‍മാണിക്യ ക്ഷേത്രം ...! മിഥുന മാസത്തിന്‍റെ സൗന്ദര്യം മുഴുവനും ആവാഹിച്ചെടുത്ത് സന്ധ്യാ നേരത്ത് ചാറ്റല്‍മഴ പുറത്ത് പെയ്യുന്നു .ക്ഷേത്ര ദര്‍ശനത്തിനു വന്നതല്ല ... എങ്കിലും വന്നതല്ലേ .... ഒന്ന് തൊഴുതിറങ്ങാം എന്ന് തന്നെ കരുതി .. ! നടയില്‍ എത്തിയതെയുള്ളൂ , തൊട്ടുപിറകില്‍ ഹൃദയത്തെ പിടിച്ചു വലിക്കുന്ന മിഴാവിന്‍റെ ശബ്ദം ... കൂത്തമ്പലത്തില്‍ മാത്രം അവതരിപ്പിച്ചു വരാറുള്ള ചാക്യാർകൂത്ത് വല്ല്യമ്പലത്തിൽ അവതരിപ്പിക്കാന്‍ ലഭിച്ച ഭാഗ്യത്തെ കുറിച്ച് കഴിഞ്ഞ ദിവസം പ്രിയ സുഹൃത്ത്‌ രജനീഷ് ചാക്യാർ പറഞ്ഞിരുന്നു ...... അതിനേക്കാളും വലിയ സുകൃതമാണ് കാണികളായ ഞങ്ങള്‍ക്ക് ലഭിച്ചത് .. കഥ രാമായണം . പറയുന്നത് രാമനെനും ലക്ഷ്മണനെയും കുറിച്ച് ... അതും സാക്ഷാല്‍ ശ്രീഭരതന്‍റെ നടയില്‍ വച്ച് .. നടയുടെ വലതു വശത്ത്‌ നിന്ന് ക്ഷേത്രത്തില്‍ അടിയന്തിരക്കാരായ അമ്മന്നൂര്‍ ചാക്യാര്‍ കുടുംബത്തിലെ പുതുതലമുറക്കാരനായ രജനീഷ് ചാക്യാര്‍ കഥ പറയുന്നു ... ഇടത് വശത്ത് ഇരുന്ന്‍ ഒരു കൊച്ചുകുട്ടിയുടെ കൌതുകത്തോടെ ഞങ്ങള്‍ കഥ കേള്‍ക്കുന്നു ... ആ നടയില്‍ ഇരുന്ന്‍ സന്ധ്യാനാമം ചൊല്ലിയ ഒരു കുളിര്‍മ്മയായിരുന്നു മനസ്സിന് ... ! ഒരു കലാരൂപം നല്‍കുന്ന ഇത്തരം ആത്മീയാനുഭൂതി ഇരിങ്ങാലക്കുടയില്‍ നിന്നല്ലാതെ വേറെ എവിടെ നമുക്ക് ലഭിക്കും ... ! www.abiprayam.com
Hot Topics
Recent Topics
മൂഷിക സ്ത്രീ വീണ്ടും ? ടമാർ പടാർ എന്ന സിനിമ പ്രിത്വിരാജിന് കല്ലേറ് കൊണ്ട ആ പഴയ കാലഘട്ടത്തെ വീണ്ടും അനുസ്മരിപ്പിക്കുന്നു എന്നാണ് അഭിപ്രായം. . സംവിധായകന്‍ എന്തൊക്കെയോ പറയാന്‍ ശ്രമിച്ചിരിക്കുന്നു .. അഭിനയിക്കുന്നവര്‍ എന്തൊക്കെയോ കാട്ടിക്കൂട്ടാന്‍ ശ്രമിക്കുന്നു .. അതിന്‍റെ കണ്ടന്‍റ് അല്പം കൂടിയത് കൊണ്ടാണോ , സാധാരണക്കാര്‍ക്ക് മനസ്സിലാകാത്തത് കൊണ്ടാണോ എന്നറിയില്ല .. താടി , പുലി , ഗുണ്ടാസംഘം , അമേരിക്കന്‍ വിരുദ്ധത , സ്ത്രീ വേഷം , ശബരിമല , തെരുവ് സര്‍ക്കസ്, അന്താരാഷ്ട്ര തീവ്രവാദം , കേരള രാഷ്ട്രീയം ,ഫെമിനിസം എന്നൊക്കെയുള്ളത് വല്ല ബിംബങ്ങളാണോ ഇവിടെ അവതരിപ്പിക്കാന്‍ ശ്രമിച്ചത്‌ എന്നൊന്നും മനസ്സിലാക്കാന്‍ കഴിയാത്ത ഒരു ശരാശരി മലയാള സിനിമ പ്രേക്ഷകനെ ടമാർ പടാർ എന്ന സിനിമ തൃപ്തി പ്പെടുത്താനുള്ള ഒരു സാധ്യതയും കാണുന്നില്ല . ഇന്ത്യന്‍ റുപ്പീ മുതല്‍ ഇങ്ങോട്ട് ഇക്കഴിഞ്ഞ മുഴുവന്‍ സിനിമകളിലും സെലക്ടീവ് ആയിരുന്നു എന്ന് സിനിമാ ലോകം വിലയിരുത്തിയ നമ്മുടെ യുവ താരത്തിന് ഇതെന്തു പറ്റി എന്നാണ് ആദ്യ ദിവസം ആദ്യ ഷോ തന്നെ കണ്ട പലര്‍ക്കും ചോദിക്കാനുണ്ടായിരുന്നത് .. ഇത് ഇന്ത്യയാണ്, ഇവിടെ എന്തും നടക്കും ... എന്ന് പറഞ്ഞ പോലെ ... ഇത് മലയാള സിനിമയാണ് !! ഇവിടെ .... ടമാർ പടാർ !!
നമ്മള്‍ എന്നും തോറ്റവരുടെ പക്ഷത്താണ് ... ! പരാജിതനാണ് എന്നും വിജയിയെ സൃഷ്ടിക്കുന്നത് . ഇവിടെ ഒരേ സ്ഥലത്ത് ഒരുമിച്ചു ജനിച്ച , ഒരുമിച്ചു വളര്‍ന്ന , ഒരുമിച്ചു പഠിച്ച രണ്ടു പേര്‍ ... ഒരാള്‍ പോലീസുകാരന്‍റെയും മറ്റേയാള്‍ കള്ളന്‍റെയും മകന്‍ .... അതെ , വിക്രമനും ആദിത്യനും തമ്മിലുള്ള മത്സരമാണ് ഈ സിനിമ . ഇതില്‍ , 'മസില്‍ അളിയന്‍' ഉണ്ണി മുകുന്ദന്‍ അവതരിപ്പിക്കുന്ന വിക്രമനും ജനകീയ യുവ നായകന്‍ ദുല്‍ഖര്‍ സല്‍മാന്‍ അവതരിപ്പിക്കുന്ന ആദിത്യനും ഇതുവരെ ഒരേ ടീമില്‍ കളിച്ചിട്ടില്ല , ഒരുമിച്ച് ഇരുന്ന് അധികം സംസാരിച്ചിട്ടു പോലും ഇല്ല ...പരസ്പരം മത്സരിക്കുമ്പോഴും ഉള്ളില്‍ ആത്മബന്ധത്തിന്‍റെ കണിക എവിടെയൊക്കെയോ ഉണ്ടായിരുന്നു എന്ന് തോന്നുന്നു .. പക്ഷെ ഇതിലെ നായികയെ സ്വന്തമാക്കുക എന്നതാണ് ഇരുവരുടെയും ലക്‌ഷ്യം ..! ഇതുപോലെയുള്ള വിക്രമന്‍മാരെയും ആദിത്യന്‍മാരെയും കൂട്ടി ഗിന്നസ് ബുക്കില്‍ കേറി പറ്റാന്‍ ലോകം ചുറ്റുന്ന ഈ സിനിമയുടെ സംവിധായകന്‍ തന്‍റെ മുന്‍കാല സിനിമകളുടെ ക്വാളിറ്റി ഇവിടെ നിലനിര്‍ത്തി എന്ന്‍ അഭിപ്രായമില്ല .. ഒരിക്കല്‍ കള്ളനെ സ്നേഹിക്കാന്‍ പഠിപ്പിച്ച സംവിധായകന്‍ ഇപ്പോള്‍ കള്ളന്‍റെ മകനെ സ്നേഹിക്കാന്‍ മലയാളികളെ പ്രേരിപ്പിക്കുന്നു .. പതിവ് തമിഴ് മാസ് സിനിമയുടെ ഫോര്‍മാറ്റില്‍ ഉള്ള ഒരു പോലീസ് കഥയാണെങ്കില്‍ പോലും , കണ്ടിരിക്കാന്‍ ഒരു കൌതുകമോക്കെയുണ്ട് . ഈ പെരുന്നാളിന് ഒരു ശരാശരി മലയാളിയെ തൃപ്തിപ്പെടുത്താന്‍ ഈ സിനിമയൊക്കെ മതി .. നല്ല പാട്ടുകളുടെയും ഹാസ്യത്തിന്‍റെയും കുറവ് ഈ ലാല്‍ ജോസ് സിനിമയുടെ പ്രധാന ന്യൂനതയാണ് എങ്കിലും , കുടുംബങ്ങളും കുട്ടികളും നിറഞ്ഞു നില്‍ക്കുന്ന തിയറ്ററുകള്‍ ഒരു സിനിമാ പ്രേമിയെ സംബന്ധിച്ചിടത്തോളം സന്തോഷമുള്ള കാര്യമാണ് .... www.abiprayam.com
ലോകം മുഴുവന്‍ കാത്തിരുന്നത് ഈയൊരു ദിവസത്തിനാണ് .. ! ലോകകപ്പ്‌ ആര്‍ക്ക് എന്നാതാണ് ഇന്നത്തെ ചര്‍ച്ചാവിഷയം .. 2014 ലെ ലോകകപ്പ് മത്സരങ്ങള്‍ ആരംഭിക്കും മുന്‍പേ എല്ലാവരും എഴുതിതള്ളിയ അര്‍ജെന്റീന ഫൈനലില്‍ എത്തിയിരിക്കുന്നു ... ഇനി മെസ്സിയുടെ ചുണ്ടുകള്‍ക്കും കപ്പിനിടയിലും ഈയൊരു മത്സരം മാത്രം ബാക്കി ... മെസ്സിയുടെ കാലുകള്‍ ബ്രസീലിലെ മൈതാനത്ത് കവിത വിരിയിക്കുന്നത് കാണാന്‍ കാത്തിരിക്കുകയാണ് ... ഒരു പക്ഷെ സുവര്‍ണ്ണ പാദുകം പോലും ആ കാലുകള്‍ക്ക് വേണ്ടി കൊതിക്കുന്നുണ്ടാകും .... ലോകം മുഴുവന്‍ ചര്‍ച്ച ചെയ്യുന്നത് മെസ്സിയെ കുറിച്ചാണ് ... അത് തന്നെയാണ് അര്‍ജെന്റീനയുടെ പ്രതീക്ഷയും ... ഒരു ടീം എന്ന നിലയില്‍ അര്‍ജെന്റീനയെക്കാള്‍ മുന്‍‌തൂക്കം ജര്‍മ്മനിക്കാണ് എന്നാണ് വിദഗ്ധ അഭിപ്രായങ്ങള്‍ .. സെമിയിലും , ക്വാര്‍ട്ടറിലും , പ്രീ ക്വാര്‍ട്ടറിലുമെല്ലാം അര്‍ജെന്റീനയേക്കാള്‍ മികച്ച ടീം അവരുടെ എതിരാളികള്‍ തന്നെയായിരുന്നു .. പക്ഷെ വിജയം അര്‍ജെന്റീനക്കും ! ഈ ലോകകപ്പില്‍ മത്സരിച്ച എല്ലാ കളിയിലും വിജയിച്ച അര്‍ജെന്റീനക്ക് വിജയതുടര്‍ച്ച ആശംസിക്കുന്നു .... ജര്‍മ്മനി ഏറ്റവും മികച്ച ടീമാണ് ... അര്‍ജെന്റീന ഏത് മികച്ച ടീമിനെയും തോല്‍പ്പിക്കാന്‍ കഴിവുള്ള ഒരു സാധാരണ ടീമും ....! .... www.abiprayam.com
Hot Topics
Recent Topics
യഥാര്‍ത്ഥ മാധ്യമ ധര്‍മ്മം ഉയര്‍ത്തിപ്പിടിക്കുന്നതില്‍ വിജയിച്ച വിജയ് യുടെ കത്തി ..! പതിവുപോലെ ആദ്യ ദിനം തന്നെ വിജയ് യുടെ സിനിമ കണ്ടു . ഒരു നടന്‍ എന്ന നിലയില്‍ വിലയിരുത്തുമ്പോള്‍ കുറുവുകള്‍ ഏറെയുള്ള , എന്നാല്‍ ജനപ്രിയനായ തമിഴ് താരത്തിന്‍റെ ദീപാവലി ചലച്ചിത്രം ത്രിപ്തികരമായിരുന്നു . പതിവ് ലുക്ക്‌ , പതിവ് സെന്റിമെന്‍സ് , ഡാന്‍സില്‍ പതിവ് സ്റ്റെപ്പ് ...എല്ലാ സിനിമയിലും എന്ന പോലെ ... കത്തിയിലും വിജയ്‌ എന്ന നടന്‍ വിജയ്‌ ആയി തന്നെ അഭിനയിക്കുന്നു ... കതിരേശൻ, ജീവാനന്ദ് എന്ന ഇരട്ടവേഷങ്ങള്‍ പോലും പതിവ് മാനറിസത്തില്‍ തന്നെ ... ! രാവിലെ തിയറ്ററില്‍ ആരവം കേള്‍ക്കുന്ന സമയത്ത് ടിക്കറ്റ് കിട്ടാതെ പുറത്ത് നില്‍ക്കുകയായിരുന്നു ... എന്നാല്‍ ആദ്യ ദിവസം തന്നെ സിനിമ കാണണം എന്നുള്ള വാശിയില്‍ മാറ്റിനി കാണുമ്പോഴും അതേ ആരവം തന്നെയാണ് ചുറ്റും ... ശൈലി ഒന്നാണെങ്കിലും വിജയ്‌ ചിത്രങ്ങള്‍ ആ നടനെയും ഒപ്പം നമ്മളെയും എന്നും കൂടുതല്‍ ചെറുപ്പമാക്കുന്നു ... നായികയുടെ ഗ്ലാമറും മസാലയും ഒന്നുമില്ലാതെ ഒരു ജനകീയ സിനിമയെ വിനോദത്തിനപ്പുറം ഒരു സാമൂഹ്യ വിമര്‍ശന ഉപാധി കൂടിയാക്കുന്നതില്‍ എ . ആര്‍ . മുരുകദോസ് എന്ന സംവിധായകന്‍ ഇവിടെ വിജയിച്ചിരിക്കുന്നു എന്നാണ് അഭിപ്രായം.കോം . അത് തന്നെയാണ് കത്തിയെ പതിവ് വിജയ്‌ സിനിമകളില്‍ നിന്നും വ്യത്യസ്തമാക്കുന്നത് . ഇത് ഒരു ഗ്രാമത്തിന്‍റെ പോരാട്ടത്തിന്‍റെ കഥയാണ് . കോർപറെറ്റുകള്‍ സര്‍വതും കീഴടക്കുമ്പോള്‍ സ്വന്തം മണ്ണിന് വേണ്ടി , വെള്ളത്തിന് വേണ്ടി എന്തെങ്കിലും ഒക്കെ ചെയ്യണം എന്ന്‍ ചെറുപ്പക്കാരെ ഓര്‍മ്മിപ്പിക്കുന്ന നന്മയുള്ള, അധികം അത്ഭുതങ്ങളൊന്നും ഇല്ലാത്ത ഒരു നല്ല സിനിമ ... www.abiprayam.com
തസ്കരന്‍ കൊള്ളാം ... ! ഓണ സിനിമകള്‍ കാണാഞ്ഞിട്ടല്ല ... ! കണ്ടു ... ഒന്നിനെയും കുറിച്ചും വല്ല്യ നല്ല അഭിപ്രായം ഇല്ലാത്തത് കൊണ്ട് അഭിപ്രായം ഒന്നും പറഞ്ഞില്ല ... ! പതിവ് നമ്പറുകളുമായി വന്ന ദിലീപിന്‍റെ വില്ലാളിവീരനും ഭയ്യാ ഭയ്യായുമൊക്കെ ഒരു ഓണം സിനിമക്കുണ്ടാകേണ്ട മിനിമം നിലവാരം പോലും പുലര്‍ത്തിയില്ല ... ഒരു ലോജിക്ക് പോലും ഇല്ലാത്ത മോഹന്‍ലാലിന്‍റെ പെരുച്ചാഴിയും മമ്മൂട്ടിയുടെ രാജാധിരാജയുമൊക്കെ കേവലം ആരാധകരെ തൃപ്തിപ്പെടുത്താന്‍ വേണ്ടി മാത്രമുള്ള 'ഷോ' മാത്രമായി .. ഉള്ളത് പറയാലോ , വല്ല്യ സംഭവം ഒന്നും അല്ലെങ്കിലും ഒരു ആശ്വാസം തോന്നിയത് സപ്തമ. ശ്രീ. തസ്കരാ : കണ്ടപ്പോള്‍ മാത്രമാണ് .. ബോര്‍ അടിക്കാതെ ഒരു സിനിമ മുഴുവന്‍ കാണാന്‍ കഴിഞ്ഞു എന്നത് തന്നെ വല്ല്യ കാര്യം .. പ്രിത്വി രാജ് എന്ന നടന്‍ ചെറിയ ചെറിയ പരീക്ഷണങ്ങള്‍ക്ക് വരെ ധൈര്യം കാണിക്കുന്നു . അത് മലയാളികള്‍ ഇഷ്ടപ്പെടാന്‍ തുടങ്ങിയിരിക്കുന്നു എന്ന്‍ തന്നെയാണ് ഈ സിനിമയുടെ വിജയരഹസ്യം ... വിജയചിത്രങ്ങള്‍ ഇനിയും മലയാളത്തില്‍ ജനിക്കട്ടെ ... www.abiprayam.com
ശരാശരി നിലവാരം മാത്രം പുലര്‍ത്തി മമ്മൂട്ടിയുടെ 'മംഗ്ലീഷ്' ..! കൊച്ചി ഭാഷ സംസാരിക്കുന്ന ഇക്ക ഫാന്‍സിനെ തൃപ്തിപ്പെടുത്തിയേക്കാം. മമ്മൂട്ടിയെ വരെ വെല്ലുന്ന നമ്പറുകളുമായി ടിനി ടോം കയ്യടി വാങ്ങിയേക്കാം . വിദേശ വനിത നായികയായത്‌ ഒരു കൌതുകമായെക്കാം .. ഒരു റിയലിസ്റ്റിക്ക് കഥ അവതരിപ്പിക്കാന്‍ കാണിച്ച ധൈര്യം സമ്മതിക്കാമെങ്കിലും തിരക്കഥയിലെയും എഡിറ്റിംഗ് മേഖലയുടെയും അപാകതകള്‍ ഈ സിനിമയുടെ വിജയത്തെ ബാധിക്കാന്‍ സാധ്യതയുണ്ട് . ഹാസ്യത്തിന്‍റെ സാധ്യതയെ വേണ്ട വിധം പ്രയോജനപ്പെടുത്തുന്നതില്‍ ഈ സിനിമ വിജയിക്കാത്തത് പ്രേക്ഷകരെ നിരാശരാക്കുന്നുണ്ട് . എങ്കിലും ഒരു ഓളത്തില്‍ കണ്ടിരിക്കാവുന്ന ഒരു സിനിമയെന്നു വേണമെങ്കില്‍ 'മംഗ്ലീഷി'നെ വിശേഷിപ്പിക്കാം ... ഈ സിനിമയില്‍ മമ്മൂട്ടിയുടെ സഹോദരിയായി അഭിനയിച്ച ശ്രിന്ദ മികച്ച നിലവാരം പുലര്‍ത്തി . ചുരുക്കി പറഞ്ഞാല്‍ മമ്മൂട്ടി എന്ന മലയാളത്തിന്‍റെ അഭിനയപ്രതിഭക്ക് പ്രത്യേകിച്ച് ഒന്നും തന്നെ ചെയ്യാന്‍ ഇല്ലാത്ത ഒരു ശരാശരി സിനിമയാണ് 'മംഗ്ലീഷ്' - www.abiprayam.com
Star Writer Competition for Writers to find Literature Personalities